有港女在網上發文指，早前一名已為人夫的男同事提早在太太預產期前夕請假，隨後卻被老闆指罵並要求趕回公司，令她對上司感到心淡並毅然辭職。沒想到，男朋友卻批評她無聊及矯情。
該名港女早前向facebook專頁「辦公室日報」投稿，提到自己在去年11月初辭職，並分享自己的離職原因。她指，某天老闆在步出房間後因有要事需尋找另一名男同事，獲告知其太太的預產期將至，因此他已提早請假。老闆隨即要求致電對方，並在通話中表示「你老婆生又唔係你生，你請假幫到件事咩？」老闆續指，「個客好急想要呀，快啲返嚟啦趕住呀！你搞掂晒啲嘢咪再去醫院囉，呢度頂盡搞兩三個鐘，會唔會咁蹺就係呢兩三個鐘出世呀？就算係都冇影響啦，唔通一出世見唔到你就唔當你係爸爸咩！」樓主直言，雖然自己與該名男同事並不相熟，亦並非要為對方抱打不平，但在聽到老闆的說話後感到心淡，「覺得繼續留喺度幫呢種人做嘢好冇意義」，因此在考慮兩日後決定辭職。
樓主又指，「老細把口咁賤已經有前科，佢心地差亦都唔係第一日先知」，並提到一名女同事早前因為排政府醫院割「朱古力瘤」而請假，「人哋排咗差唔多一年半咁長嘅時間，然後提早3個月同公司攞定假，呢個衰老細竟然臨尾想人哋取消假期」。該名女同事隨後向同事大呻，老闆致電她並指「『朱古力瘤』好小事，唔需要趕住做手術，公事要緊喎」。女同事堅決取消預約並強調在3個月前已提早請假，亦已獲老闆答應。
樓主續指，事後與男朋友分享相關事件，但指對方在得知她辭職後甚為驚訝，又指「吓！咁無聊？老細唔畀嗰個男同事陪老婆生仔，其實都唔關你事㗎喎！個男同事都未辭職啦！你唔好咁矯情啦！年尾流流搞埋啲咁嘅嘢！」相反，當樓主與家人談及離職一事時則獲家人支持，母親更直言其老闆不懂體諒別人，「呢種人心地唔好呀！」而樓主父親則指，「東家唔打咪打西家囉，全香港又唔係得一間公司」。樓主又詢問父母，「你哋會唔會覺得唔關我事，係我自己睇唔過眼走去辭職好無聊？」母親則回答，「依家燒唔到你嗰疊啫，針唔桔到肉唔知痛，你阿爸講得啱呀，大吉利是第日到你要生仔同請病假呢？」樓主直言，「年尾流流辭職，我就係要呢啲諒解同安慰，估唔到男朋友唔明白，屋企兩個老人家反而仲明白。」
相關帖文隨即引起熱議，有人支持樓主的做法，並認為事件可以令樓主看清男友及老闆，又指「辭職順便睇清男朋友有無可能變老公」、「他日你有咩事要入院，你男朋友都可以講佢又唔係醫生，係醫院都幫唔到你」、「真係見過有種人都好恐怖，唔抵得人哋幸福、見人哋慘就佢安樂…如果無家庭負擔，辭職無可厚非呀」等。大部分人則建議樓主分手，「我就覺得，不如換埋個男朋友，分分鐘個男朋友同佢老細一樣都係咁衰」、「個老闆跟唔過，個男朋友都要唔過」、「建議飛埋個男朋友，價值觀唔同好難會改變到」、「可以連個男友都換埋」等。
有人則認為樓主太心急辭職，並指「如果係我，我會搵定工，但唔急於一時」、「個男朋友唔使要架喇，不過樓主都係衝動咗少少太快遞信了，起碼收埋DP/B仔先遞吖」、「老實，我都會唔撈，但會搵到工先」等。另外，有人則分享類似情況，並指「我有同事入醫院，我上司仲催佢交report」、「親身經歷，之前份工要掛牌，要我個人係現場工人先可以開工，半夜阿爺過身，要半夜趕番大陸，通知老細第二日搵人頂檔，佢一句：好死唔死依家死，當堂心都淡埋」等。
資料來源：辦公室日報、星島日報
好工推介
| 營業代表 | 萬邦珠寶有限公司 | 20 May 2025 | |
| 假日兼職店務員 | Wan Kee Group 允記集團 | 13 May 2025 | |
| 見習收銀員 / 見習店務助理 | Wan Kee Group 允記集團 | 13 May 2025 | |
| 半職見習收銀員 / 店務助理 | Wan Kee Group 允記集團 | 13 May 2025 | |
| 鐘錶銷售員 ( 全職/兼職 ) | 威尼斯商貿有限公司 | 28 Apr 2025 |
職場熱話
- 1
- 2
-
啱啱畢業 下個月返第一份工 阿媽突然提出辭職靠佢養 網民：「一出身就要養成頭家，點算好？」
TOP 1 -
引入指定技術工種專才 消息指涵電工等8工種 放寬至40歲以下 議員：可應對青黃不接
TOP 2 -
面試靠吹成功上位 但能力不足點算好？點解面試唔好吹咁大？
TOP 3 -
應老友邀請 加入公司推行改革 點知成為磨心 被下屬多番無視 究竟係自己無能定被朋友利用？
TOP 4 -
壓力日漸累積 熱情消磨殆盡 30歲裸辭係逃避定覺醒？
TOP 5
-
警務處招聘交通督導員 月薪2萬至2.9萬 完成中三學業 就可以投考！
TOP 6 -
廢棄學校變景點 日本發展另類深度遊
TOP 7 -
全球裁員潮一浪接一浪 被人炒點算好？
TOP 8 -
恒生裁員 學者：本港企業的開始 料更多公司仿傚縮規模 AI搶飯碗？籲一類員工「自求多福」
TOP 9 -
口才差成升職絆腳石 港女：「壓力大到匿埋廁所喊！」
TOP 10
-
當事業遇上樽頸位 如何打破僵局？
TOP 11 -
施紀賢公布收緊移民措施 要求較高英語水平及延長居留期至10年
TOP 12 -
工作重複又單調會增加失智風險 操勞啲反而有助保護大腦？
TOP 13 -
海洋公園／水上樂園事業探索之旅 環境滿「Fun」 非凡工作體驗
TOP 14 -
比爾蓋茲宣布捐出99％身家 只因不願被人說 「死時很富有」
TOP 15
-
單身中女同事摸頂買樓 500萬買200呎納米樓 供樓要供到80歲
TOP 16 -
內地企業設機械人訓練學校 煮飯清潔維修 樣樣有得練
TOP 17 -
被裁員點同面試官解釋？ 專家：「誠實是關鍵， 但方式更重要」
TOP 18 -
經濟動蕩 想儲多個錢旁身 即睇8大無痛儲蓄法
TOP 19 -
環聯稱港可疑詐騙連續5年超全球 人均損失3.3萬 零售業騙案激增 金融為何減少？
TOP 20
